Тажикстандын күч органдары Кыргызстандын 5 чек ара тозотуна кол салды, деп билдирди УКМКнын Чек ара кызматы.
«Саат 14.05 чамасында «Головной» аймагында эки тараптын аскерлери тарабынан ок атылып баштаган. Анда Кыргыз Республикасынын аскер кызматкерлери жана жарандар жаракат алды.
Саат 17.00 чамасында тажик тарап «Капчыгай», «Миң-Булак», «Достук» чек ара тозотторуна, ошондой эле «Кожогар» жана «Булак-Баши» чек ара постуна ок чыгарды. Миномёттон атылган октон Баткен чек ара отрядынын «Достук» заставасы өрттөндү.
Тажик күч түзүмдөрүнө жооп кылып УКМКнын «Бөрү» отряды Тажикстандын «Ходжа Аълло» чек ара заставасын алды», - деп айтылат билдирүүдө.
Чек арачылардын акыркы маалыматы боюнча, «Головной» аймагында абал оор бойдон.
Пикирлер (2)