Кыргыз Республикасынын Германиядагы Элчилигинин ишинин артыкчылыктуу багыттарынын бири Германиядан түз инвестицияларды тартуу болуп саналат, айрыкча жашыл экономика жана энергиянын кайрадан жаралуучу булактары тармактарына.
Аталган иштин алкагында, Кыргызстандын Германиядагы Элчиси Өмүрбек Текебаев 2022-жылдын 29-мартында Бишкек шаарында германдык «Schmid Group» компаниясынын КМШ мамлекеттери боюнча Регионалдык директору Вальдемар Лихтенберг менен жолукту. Бул тууралуу элчиликтин маалымат кызматы кабарлады.
«Schmid Group» компаниясы 2016-жылы Кыргызстанга инвестиция салып, күн нурунан электр энергиясын алуучу панелдерди чыгаруу боюнча кыргыз-герман биргелешкен ишканасын түзүп, ал ишкана азыркы тапта “Бишкек” эркин экономикалык зонасында иш алып барат.
Жолугушуу учурунда, Элчи Өмүрбек Текебаев Регионалдык директор Вальдемар Лихтенберг менен германдык инвестициялардын көлөмүн Кыргызстандын энергетика тармагына, анын ичинде энергиянын кайрадан жаралуучу булактарына көбөйтүү маселесин талкуулады.
Аталган жаатта ишти биргелешип жигердүү алып баруу макулдашылды.
Пикирлер (0)
Пикир жок. Сиз биринчилерден болушуңуз мүмкүн