“Ата Мекен” партиясынын лидери Өмүрбек Текебаев президенттикке талапкер Садыр Жапаровго кайрадан жооп берди. “Жалбырак ТВнын” ютуб баракчасы аркылуу түз эфирге чыккан Текебаев Жапаровдун жаңы жыл астында “Супер ТВ” каналында өзүнө карата айткан сындарына пикирин билдирди. “Ата Мекендин” лидери анын айыптоолору калп экенин айткан.
“Мен жооп бербей эле койсом дегем. Бирок, бүгүнкү күндө Садыр Жапаровду коомдун кайсы бир бөлүгү колдоп, ага ишеним артып турат. Алар анын айткандарына ишенип калышы мүмкүн. Бирок, мен эч качан өз кызыкчылыгым үчүн мыйзам жазган эмесмин. Эгер мен өз кызыкчылыгымды ойлогондо Акаевдин, Бакиевдин, Атамбаевдин колтугунан жылуу орун тапмакмын. Тескерисинче, алар мамлекеттин кызыкчылыгына каршы иштей баштаганда мен өлкөнүн келечеги үчүн аларга каршы чыкканмын”, - дейт ал.
Пикирлер (0)
Пикир жок. Сиз биринчилерден болушуңуз мүмкүн