Тендерлерди туугандарынын пайдасына чечкен чиновник тууралуу иликтөө (видео)

Иликтөөчү журналист Али Токтакунов "Ош шаардык курулуш компаниясынын" жетекчиси Шукуралы Мадаминов кантип тендер өткөргөнү тууралуу иликтөө жасаган.

Ага ылайык, Мадаминов 5 жылда 309 тендер өткөргөн, тендерлердин 100дөн ашыгын анын жакындарына таандык фирмалар утуп келген.

Мадаминов тендер өткөрүүдө өзүнө тууган адамдардын фирмаларын бири-бирине атаандаш катары көрсөтүп, жеңүүчүсү кайра эле аны менен табакташ болот.

Мындан сырткары, Шукуралы Мадаминовдун "Бүтүн Кыргызстан" партиясынын лидери Адахан Мадумаров менен болгон тааныштыгы айтылган.