Тенгиз Бөлтүрүк мамлекеттин казынасына 10 млн сом төлөгөн

Кыргызстандын Башкы прокуратурасы «Кумтөр Голд Компани» жабык акционердик коомунун мурдагы убактылуу башкаруучусу Тенгиз Бөлтүрүктү жана анын командасын 1 миллиард сомдон ашык зыян келтирген деп айыптады. Ал эми жеке өзү мамлекетке болгону 10 миллион сом кайтарып берген. Бул тууралуу Kaktus.media сайтына укук коргоо органдарынан билдиришти.

Алардын айтымында, 30-апрелде Бишкектин Октябрь райондук соту Тенгиз Бөлтүрүккө каршы соттук материалды караган. Прокуратуранын өтүнүчү канааттандырылып, Бөлтүрүктүн баш коргоо чарасы иш боюнча кармалган дагы үч адам менен бирге өлкө бюджетине келтирилген зыяндын ордун толтуруу катары 844 миллион 512 миң сом төлөгөндүктөн, баш коргоо чарасы үй камагына өзгөртүлгөн.

«Бул сумманын 10 миллион сомун Тенгиз Бөлтүрүк өзү төлөгөн, 2023-жылдын 27-апрелинде Тогузбаев Чыңгыз Турсунбекович төлөгөн, бирок ал ким экени белгисиз», - деп айтылат маалыматта.

Кошумчалай кетсек, Бөлтүрүк жана башка айыпталуучулар келтирген 844 миллион сом жалпы зыяндын 80%га жакынын түзүп, тергөөнүн маалыматы боюнча сумма 1 миллиард 146 миллион 449 миң 161 сомду түзөт.

Эске салсак, 2022-жылдын сентябрь айында Тенгиз Бөлтүрүккө бир нече беренелер боюнча кылмыш иши козголгон. Тергөөнүн версиясы боюнча, «Кумтөр Голд Компани» ЖАКтын кызмат адамдарынын коррупциялык схемасынын натыйжасында алдын ала эсептөөлөр боюнча мамлекетке 1 миллиард сомго жакын зыян келтирилген.