Тик учак кулап, жаракат алган 9 жаран Бишкектеги ооруканага которулду

4-июнда Кичи-Алайда кулаган тик учакта жаракат алган адамдар Бишкектеги Улуттук Госпиталга которулду. Бул тууралуу "Турмуш" басылмасы билдирди.

Маалыматка караганда, Ош облустук ооруканасына түшкөн 9 жарандын абалы жакшыргандан кийин Улуттук Госпиталга которулган.

Эске салсак, 4-июнда УКМК кызматкерлерин Алайдагы чек ара пунктуна алып бара жаткан тик учак авариялык абалда конуп, өрттөнүп кеткен.