Тилек Текебаев чалкалап жатып пара алган 13 кызматкер боюнча пикирин билдирди

Транспорт жана коммуникация министри Тилек Текебаевдин пара менен УКМК тарабынан кармалган 13 кызматкер тууралуу пикирин билдирди. 

"Мыйзам баарына бирдей! Транспорт жана коммуникациялар министрлиги коррупция менен болгон күрөштү колдойт жана пара алган кызматкерлер мыйзам чегинде жоопкерчиликке тартылуу керек деп эсептейт. 

Биздин министрлик ачык-айкындуулукту жана коррупция менен аёосуз күрөшүү жолун улантат. Министрликтин репутациясына доо кетирген жана берилген милдеттерин так аткарбаган кызматкерлердин ордуна кесипкөй адистер алынып турат",- деди министр.

Эскерте кетсек, буга чейин Транспорт жана коммуникациялар министрлигине караштуу Жерде жүрүүчү жана суу транспорту департаментинин Кара-Көл шаарындагы салмак-габаритти көзөмөлдөө постунда туруктуу коррупциялык схема аныкталып, аталган министрликтин 13 кызматкери кармалганы кабарланган.