Токио-2020: Эртең кыргызстандык балбан эркин күрөш боюнча мелдешке чыгат

Эркин күрөш боюнча кыргызстандык балбан Эрназар Акматалиев Олимпиада-2020 мелдешинин баштапкы этабында индиялык балбан менен беттешет.

Бүгүн 65 килограмм салмактагы балбандар таразага түшүп, чүчү кулак кармашканын өлкөнүн Күрөш федерациясы билдирди. 

Кыргызстандык балбан мелдештин 8/1 этабында индиялык атлет Баджранг Пуния менен күрөшөт. Оюндар эртең, 6-августта, саат 08:00дө башталат. Мелдешти КТРК Спорт каналы түз алып көрсөтөт.