Токио-2020 Олимпиада оюндарынын жабылыш аземи өттү (фото)

23-июлдан 8-августка чейин Япониянын Токио шаарында өткөн 32-жайкы Олимпиада оюндарынын жабылыш аземи салтанаттуу түрдө белгиленди. 

Жабылыш аземинде Эл аралык Олимпиадада комитетинин төрагасы Томас Бах сөз сүйлөп бүткүл катышуучуларга жана жапон элине мыкты уюштуруучулугу үчүн ыраазычылык билдирди.

Салтанаттын аягында салют атылып, майрамдык көңүл тартууланды.

Токио-2020 Олимпиадасынын медалдардын жеңиши боюнча жалпы жыйынтыкта  АКШ биринчи, экинчи Кытай, үчүнчү орунду Япония ээледи.

Эскерте кетсек, Кыргызстанда да Олимпиада оюндарында 2 күмүш, бир коло медаль жеңип 70-орунду ээледи.