Токмокто 12 жаштагы кыз 8 айлык кош бойлуу. Аны зордуктоого 80 жаштагы адам шектелүүдө

Токмок шаарында 12 жаштагы кызды зордуктоого 80 жаштагы жаран шектелүүдө. Бул тууралуу Чүй облустук милициясынын маалымат кызматы билдирет.

Маалыматка ылайык, балдар менен иштөө инспектору 19-декабрда облустук милицияга 12 жаштагы кыз кош бойлуу болуп калгандыгы тууралуу кабарлаган.

20-декабрда 35 жаштагы жаран анын 2008-жылы жана 2010-жылы төрөлгөн кыздары 1942-жылы төрөлгөн Д.В. тарабынан жаз мезгилинде зордукталганы тууралуу арыз жазган.

Учурда тиешелүү тергөө иштери жүрүүдө.

Аталган иш Ички иштер министри жана облустук милициянын жетекчисинин жеке көзөмөлүндө.