Токмокто 3 окуучу кызга чагылган түшүп, бирөө каза болду

Токмок шаарында чагылган түшүп андан окуучу кыз каза болду. Бул тууралуу  Саламаттыкты сактоо министрлигинен билдиришти.

Маалыматка ылайык, кырсык бүгүн, 2-июнда болгон. Анда мектептин жанында жүргөн 3 окуучуга чагылган түшкөн. Алардын бири каза болсо, эки окуучу жандандыруу бөлүмүнө түшкөн.

Министрлик ооруканага түшкөн окуучулардын абалы туруктуу экенин билдирди.