27-февралда Токмок шаарынын Комсомол көчөсүнүн жашоочусу Токмок Шаардык Ички Иштер Башкармалыгына арыз менен кайрылган. Бул тууралуу Токмок ШИИБдин маалымат кызматы билдирди.
Маалыматка ылайык, 27-февраль күнү эртең мененки саат 07:30дар чамасында шаардагы дүкөндөрдүн биринин короосундагы таштанды салуучу темир, көлөмдүү урнаны белгисиз жарандар уурдап кеткен.
Жогорудагы факт боюнча Кыргыз Республикасынын Токмок ШИИБне кылмыш иши катталган. Бул кылмыштын бетин ачуу максатында ыкчам иш аракетинин жүрүшүндө Токмок ШИИБдин кылмыш иликтөө кызматынын ыкчам өкүлдөрү тарабынан изи сууй электе кылмышка шектүү адамдар катары И.А.К жана А.Д.О аныкталып, Токмок ШИИБдин тергөө бөлүмүнө өткөрүлүп берилген.
Пикирлер (0)
Пикир жок. Сиз биринчилерден болушуңуз мүмкүн