Токмокто жана Сокулукта айыл чарба тетиктерин сатып алуу түйүндөрү уюштурулду

Жер-жерлерде өндүрүштүк ишканалардын ишмердүүлүгү үчүн кандайдыр бир тоскоолдуктар болбоого тийиш, алардын иши токтобошу керек. Бул тууралуу биринчи вице-премьер-министр Кубатбек Боронов республикалык ыкчам штабдын жыйынында билдирди.

Анын айтымында, бул жаатта жергиликтүү бийлик органдарына маселени тактоо милдети коюлушу керек. Ички иштер министрлигине калктын жана унаалардын кыймылын тартипке келтирүү, үйдөн тышкары чыгууларды болушунча азайтуу тапшырылды.

Айрым жарандар техникалардын бузуктугуна байланыштуу талаа иштерин жүргүзүүнү мүмкүн эместигине нааразы болушуп, тетиктерди сатып алуу зарылдыгын билдиришкенине байланыштуу Чүй облусунун Токмок шаарында жана Сокулук районунда айыл чарба техникаларына тетиктерди сатып алуу түйүндөрү уюштурулган. Аймактарда жергиликтүү бийлик органдарына зарылдыгына жараша бул маселени иштеп чыгуу тапшырылган.