Токмокто жол кырсыгынан жаш жигит каза болду

Токмок шаарында жол кырсыгынан 19 жаштагы жигит каза болду. Бул тууралу Чүй облусунун Жол кыймылынын коопсуздугун камсыздоо башкармалыгынан билдирди.

Маалыматка ылайык, 20-июнь күнү 35 жаштагы аял “Хендай Аванта” унаасын башкарып бара жатып, Дружба көчөсүндө мопед менен сүзүшүп кеткен. Мопедди 19 жаштагы бала башкарып, жанында дагы бир адам болгон.

Кырсыктын кесепетинен мопеддин айдоочусу менен анын жүргүнчүсүн ооруканага жеткирилген. Анын эртеси, 21-июнда 19 жаштагы мопеддин айдоочусу ооруканада каза болуп калган.

Учурда тийиштүү экспертизалар тартылып, тергөө иштери жүрүп жатканы айтылат.