Ысык-Көлдүн Тоң районуна караштуу Көк-Мойнок-1 айылында селдин кесепетин жоюу иштери уланып жатат. Бул тууралуу Өзгөчө кырдаалдар министрлиги билдирди.
Маалыматка ылайык, кечээ, 27-августтагы кыска мөөнөттөгү нөшөрлөп жааган жаандан улам топон суу 30дай үйдү, короо-жайды, жер төлөлөрдү каптап, ички чарбалык жолдор бузулган.
"Жеринде кечетен бери куткаруучулар жергиликтүү бийлик өкүлдөрү менен биргеликте сел суулары тазалоо иштерин улантып жатат. Бүгүн, 28-августта жалпысынан 17 куткаруучу тартылды", - деп жазылган маалыматта.
Белгилей кетсек, Кыргызгидромет борбору аба ырайына байланыштуу чукул кабар тараткан. Ага ылайык, күндүн ырайы кескин өзгөрүп, 27-28-август күндөрү көпчүлүк аймактарда жамгыр жаайт, тоолуу райондордо жаан карга айланат жана айрым жерлерде жаан-чачын катуу болушу ыктымал.
Пикирлер (0)
Пикир жок. Сиз биринчилерден болушуңуз мүмкүн