Ысык-Көл облусунун Тоң районунун Бөкөнбаев айылында жакынкы арада мөмө-жемиштерден пюре чыгаруучу цех ачылат. Бул тууралуу Суу ресурстары, айыл арба жана кайра иштетүү өнөр жайы министрлигинен билдиришти.
Ишкана күнүнө 25 тонна, же бир сезондо 1000 тоннага чейин даяр продукция өндүрүүгө жөндөмдү болот деп болжолдонууда. Ишкана абрикос, кулпунайды, малинаны кайра иштетип, жергиликтүүлөрдүн түшүм алуу учурунда көйгөйүн чечет. Себеби, түшүм алуу учурунда кээ бир убакытта элеттиктер алган түшүмүн өткөрө албай калган учурлар болот.
Ошондой эле ишкананын ачылышы менен абрикостун баасын туруктуу кармоо мүмкүнчүлүгү жаралат. Азыркы тапта өрүктүн баасын туруктуу кармоо үчүн аталган облуска жок дегенде дагы 8 даана ушундай кайра иштетүү ишканалар курушубуз керек.
Учурда аталган ишкананын курулушу дээрлик 90 пайызга аяктап, жакынкы арада шаймандарды алып келип, ишке кирүүсү күтүлүүдө.
Пикирлер (0)
Пикир жок. Сиз биринчилерден болушуңуз мүмкүн