Тоңдо эки унаа кагышып, кырсыктан 4 адам мерт кетип, экөө жаракат алды (ФОТО)

Тоң районунда “Хонда-Степвагон” жана “Ауди-100” унаалары кагышып, кырсыктан 4 адам каза болду. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, 2-июль күнү саат 20:30 чамасында Балыкчы-Бөкөнбаев-Каракол унаа жолунун 48-чакырымында (Шор-Булак айылы) “Хонда-Степвагон” жана “Ауди-100” үлгүсүндөгү унаалары кагышкан. Кырсыктын кесепетинен 4 адам (1 жаш кыз жана 3 эркек, аты-жөндөрү такталууда) каза болуп, 2 эркек адам (1984-жылы туулган, 1983-жылы туулган) жабыркаган.

Куткаруучулар каза болгон жарандардын жансыз денелерин унаадан чыгарышып, ИИМнин кызматкерлерине өткөрүп беришкен. Ал эми жабыркаган жарандарды "Тез жардам" кызматы райондук ооруканага жеткирген.