Тоңдо жол кырсыктан бир аял жана жаш бала каза болуп, эки адам жабыркады (сүрөт)

Ысык-Көл облусунун Тоң районунда жол кырсыгынан 2 адам каза болуп, 2 эркек адам жабыркады. Бул тууралуу ӨКМден маалымдашты. 

Маалыматка караганда, 30-июнь күнү Бөкөнбаев айылынын Кум-Дөбө тилкесинде "УАЗ" үлгүсүндөгү унаанын айдоочусу рулду башкара албай, унаа оодарылып кеткен. Кырсыктын кесепетинен 2 адам (1 аял киши жана 1 жаш бала, аты-жөндөрү такталууда) каза болуп, 2 эркек адам жабыркаган.

ӨКМдин №38 ӨКБ куткаруучулары каза болгон жарандардын жансыз денелерин унаадан чыгарышып, ИИМдин кызматкерлерине өткөрүп беришкен. Ал эми жабыркаган жарандарды тез жардам кызматы райондук ооруканага жеткирген.