Базар-Коргон районуна караштуу Кызыл-Суу айылында суунун нугу бурулуп, калкка коркунуч туудуруп жатат, бул маселени 2 жылдан бери көтөрүп келем. Бирок маселе чечиле элек, деп билдирди депутат Талайбек Масабиров бүгүн, 6-майда Жогорку Кеңештин жыйынында.
Анын айтымында, Транспорт министрлиги менен Өзгөчө кырдаалдар министрлиги бири-бирине шылтап жатат. Эгер кырдаал жөнгө салынбаса жол каттамына зыян туулат.
Ал эми төраганын орун басары Мирлан Бакиров табигый кырсыктардын алдын алуу үчүн алгылыктуу иштер жасалышы керектигине токтолуп, комплекстүү чараларды көрмөйүнчө абал курчуй берерин кошумчалады.
Ошондой эле депутат Махабат Мавлянова селге каршы курулган курумдардын сапаты тууралуу сурап, “эмне үчүн сел жүргөн аймактарда мурда жүргүзүлгөн алдын-алуу иштери туруштук берген жок?” – деди.
Өкмөт өкүлү бул боюнча тиешелүү иликтөө иштери жүргүзүлөрүн билдирди.
Пикирлер (0)
Пикир жок. Сиз биринчилерден болушуңуз мүмкүн