Түндүк-Түштүк альтернативалык унаа жолуна таш кулап, жол убактылуу жабылды

Түндүк-Түштүк альтернативалык унаа жолунун Арал – Казарман тилкесинин 254-255-чыкырымына таш кулап, жол убактылуу жабылды.

Жол кыймылынын коопсуздугун камсыздоо башкы башкармалыгынан билдиришкендей, жолду жаап калган таштын көлөмү 5000 м3 түзөт.

Белгиленгендей, эч кандай унаа кырсыгы каттал жок, түн ичинде калып калган 30-40 жаран чыгарылды. Жабыркагандар жок.

Азыркы учурда Жол кыймылынын коопсуздугун камсыздоо кызматкерлери жана тийиштүү кызматтар техниканын жардамы менен жолдорду ачып тазалоо иштерин жүргүзүүдө.