Түндүк—Түштүк жолун куруп жаткан кытайлык жумушчуну издөө иштери улантылат

Тогуз-Торо районунда Түндүк—Түштүк альтернативдик жолун куруп жаткан кытайлык жумушчу 6-июлдан бери дайынсыз болууда. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, Тогуз-Торо районунда 6-июль күнү саат 14:00 чамасында Түндүк-Түштүк альтернативдик унаа жолун куруп жаткан Чайна-Роуд компаниясынын жумушчусу кытай улутундагы эркек адам (1979-жылы туулган) дайынсыз жоголгондугу тууралуу маалымат 10-июль күнү КР ӨКМнин Тогуз-Торо райондук бөлүмүнө түшкөн.

22-июль күнү издөөгө 6 куткаруучу, ИИМден 10 кызматкер тартылып, кеч киргендигине байланыштуу издөө иш-чаралары убактылуу токтотулган.

24-июль күнү издөө иш-чаралары улантылат.