Түркиянын GATA HAVAYOLLARIVE TAŞIMACILIK A.Ş авиакомпаниясынын Кыргызстандагы өкүлчүлүгүнүн директору Ксения Барабаш-Хашам УКМК тарабынан кармалды. Бул тууралуу "Кактус.медиа" кабарлады.
Маалыматка ылайык, Барабаш УКМКга суракка чакырылган, андан соң кармалган.
"Бүгүн, 22-апрелде Ксения Барабаштын баш коргоо чарасын аныктоо боюнча соттук отурум өтөт. Ал кыргыз жараны, үй-бүлөсү да Кыргызстанда. Ал эч кайда качпайт. Буга чейин да суракка катардагы жаран катары суралып келген",- деп билдирген анын жакын таанышы.
Өз кезегинде Түркиянын Кыргызстандагы элчилиги ТИМге кайрылып, аны үй камагына чыгарууга же тергөө менен кызматташуу беренесин колдонууну суранган.
Пикирлер (0)
Пикир жок. Сиз биринчилерден болушуңуз мүмкүн