Түркия: Эрдогандын жеңиши менен майрамдык иш-чаралар башталды

Бүгүн, 28-майда Түркияда президенттик шайлоонун экинчи турунда учурдагы президент Режеп Тайип Эрдоган жеңишке жеткени айтылууда.

Түрк маалымат булактары билдиргендей, добуштардын 97 пайызы эсептелгенден кийин Эрдоган 52,12 пайыз добуш алса, анын негизги атаандашы Кемал Кылычдароглу 47,88 пайыз добуш топтогон.

Түркиянын Жогорку шайлоо комитети шайлоонун расмий жыйынтыгын жарыялай элек.

Ошого карабастан, Түрк президентинин жеңишин куттуктап, бир катар өлкө башчыларынан телеграммалар түшүүдө.

Ошондой эле Түркиянын дээрлик бардык аймактарында Эрдогандын колдоочулары майрамдык иш-чараларды уюштурууда.