Түркияда өткөн күрөштө 20 жашка чейинки кыргыз кыздары 4 медаль утту

Кыргызстандын күрөш боюнча кыздар курама командасы Түркиядагы U20 (20 жашка чейинкилер арасында) Champions эл аралык мелдешинде төрт медаль утту. Бул тууралуу Кыргызстандын күрөш федерациясынан билдиришти.

Турнир 14-15-майда Анталья шаарында өттү Кыргызстандын курамасы бир күмүш, үч коло багындырды:

2-орун — Дилназ Сазанова, 62 кг;

3-орун — Назик Мирлан кызы, 50 кг;

3-орун — Калмира Билимбекова, 57 кг;

3-орун — Бермет Нуридин кызы, 59 кг.