Түркиянын Измир аймагында болгон жер титирөөдөн каза болгон адамдардын саны 110го жетти. Бул тууралуу Түркия президенти жергиликтүү басылмаларга билдирди.
"Измирдеги жер титирөөдөн кийин 110 адамдын сөөгү табылды. 1027 адам ар түрдүү мүнөздөгү жаракат алды. Биз үмүтүбүздү үзбөйбүз, издөө-куткаруу иштери акыркы адам кыйроодон чыгарылганга чейин уланат",-деп билдирди Режеп Тайип Эрдоган.
Эске салсак, 30-октябрда Түркиянын Измир аймагында күчү 6,6 баллга жеткен жер титирөө катталган. Жер титирөөдөн жабыркаган адамдарды куткаруу иштери уланууда.
https://www.super.kg/kabar/news/331367/
Пикирлер (0)
Пикир жок. Сиз биринчилерден болушуңуз мүмкүн