Түркмөн башчысы ок атып, өзүнүн чеберлигин көрсөттү (видео)

Түркмөн башчысы куралдан буталарга ок атып, өзүнүн чеберлигин көрсөттү. Бул тууралуу «Туркменистан сегодня» агенттиги жазды. 

Маалыматка таянсак, Түркмөнстандын президенти Гурбангулы Бердымухамедов 2-сентябрда болуп өткөн коопсуздук кеңешинин жыйынынан кийин окуу машыгуу полигонуна барып, алгач полигондун абалы менен таанышкан.

Ошондой эле,  ал аскер кызматкерлеринин ок атуучу куралдарды колдонуу шарттарына көңүл буруп, алардын даярдыгын жогорулатууну тапшырган. Андан соң башчы чиновниктер менен бирге бута атуу боюнча машыгып, өзү да куралдан буталарга ок атып, өзүнүн чеберлигин көрсөткөн.