Түркмөнстандын Президенти Гурбангулы Бердымухамедов министрлер кабинетинин кеңейтилген жыйынында 2021-жылдын 27-сентябрында майрамдала турган Түркмөнстандын көз карандысыздыгынын отуз жылдыгына чейин отуз миллион дарак отургузуу жөнүндө жарлыкка кол койду.
Документке ылайык, министрликтер, тармактык ведомстволор жана Түркмөнстандын борборунун администрациясы тарабынан жалбырактуу, ийне жалбырактуу, мөмөлүү дарактардын, ошондой эле жүзүмдүн он миллион көчөтү отургузулат. Аймактык (велаят) администрациялар жыйырма миллион көчөт отургузушат.
Жүзүм көчөттөрүн жана үч жылдык бак-дарактардын көчөттөрүн жетиштүү өлчөмдө камсыз кылуу, ошондой эле өсүмдүктөрдүн отургузулушун жана багылышын көзөмөлдөө Айыл чарба жана айлана-чөйрөнү коргоо министрлигине жүктөлгөн.
Пикирлер (0)
Пикир жок. Сиз биринчилерден болушуңуз мүмкүн