Түркмөнстандын тышкы иштер министри иш сапары менен Кыргызстанга келет

25-26-февралда Түркмөнстандын министрлер кабинетинин төрагасынын орун басары - тышкы иштер министри Рашид Мередов иш сапары менен Кыргызстанга келет.

Кыргызстандын тышкы саясий ведомствосунан маалымдашкандай, мапардын жүрүшүндө эки өлкөнүн тышкы саясий ведомстволорунун башчыларынын сүйлөшүүлөрү болот, анын алкагында кыргыз-түркмөн кызматташтыгынын эки тараптуу маселелеринин кеңири спектри талкууланат.