Түштүк Кореядан кайтып келген 21 кыргыз жаранынан коронавирустун белгилери табылган жок. Бул тууралуу Саламаттыкты сактоо министрлигинен кабарлашты.
Маалыматка ылайык, коронавируска каршы тапшырган анализдердин жыйынтыгында илдет табылган эмес. Өлкөгө кайтып келгендер обцервацияга алынып, тийиштүү текшерүүлөрдөн өтүүдө.
5-март күнү Сеул –Алмата багыты боюнча 197 адам учуп келген. Алардын 21 Кыргызстандын жарандары болгон. Аларды Алмата шаарынан алып келип карантинге жаткырган болчу.
Соңку маалыматтар боюнча Коронавирус илдетине дүйнө жүзү боюнча 114 045 адам чалдыгып, 4 003 адам каза болсо, 62 280 киши оорудан айыкты.
Пикирлер (0)
Пикир жок. Сиз биринчилерден болушуңуз мүмкүн