УКМК Бишкектеги "Нават" ресторандар түйүнүнүн тең ээси Сергей Острецовдун камакка алынганы тууралуу маалыматтарга комментарий берди.
"Острецовдун басым көрсөтүү жана ал ээлик кылган компаниялардагы үлүштөрдү тартып алуу максатында кармалды деген кабарлар жалган",- деп айтылат билдирүүдө.
Ошол эле учурда УКМК 2009-жылдан бери күрөөканага жамынып мыйзамсыз банк ишмердигин жүргүзүү жана чоң өлчөмдө салыкты төлөөдөн качуу фактысы боюнча сотко чейинки өндүрүштүн алкагында иликтөө жүрүп жатканын ырастаган.
Күрөөканалар аркылуу кылмыштуу жол менен табылган кирешелерди легалдаштырууга адамдар тобунун катышы бар-жогу да текшерилип жатканын кабарлады. Тергөөгө байланыштуу маалымат ачык айтылбай турганын кошумчалаган.
Пикирлер (0)
Пикир жок. Сиз биринчилерден болушуңуз мүмкүн