УКМК Бишкек шаарынын аймагында мыйзамсыз кумар оюндарын уюштурган кылмыштуу топтун ишмердүүлүгүнө бөгөт койду. Бул тууралуу УКМКнын басма сөз кызматы билдирди.
"Оюн-зоок ишине тыюу салуу жөнүндө" Кыргыз Республикасынын Мыйзамына ылайык, республиканын аймагында тиешелүү лицензия албастан оюндарды уюштурууга жана өткөрүүгө тыюу салынган, бирок ага карабастан, бир топ адамдар Telegram тиркемеси аркылуу маал-маалы менен мыйзамсыз оюндарды уюштуруп, алар үчүн ар кандай мамлекеттик мекемелерден (кафе, оюн-зоок борборлору ж.б.) жайларды ижарага алышкан. Ыкчам-иликтөө иш-чараларынын алкагында Бишкек шаарынын аймагында тинтүү иштери жүргүзүлдү. Жыйынтыгында 48 адам кармалып, алардын арасында мыйзамсыз кумар оюндарынын уюштуруучулары жана катышуучулары да суралган", - деп айтылат маалыматта.
Аталган кылмыштуу топтун уюштуруучусу А.О.Б. аттуу КРнын жараны кармалып, УКМКнын тергөө абагына киргизилген.
Учурда тиешелүү тергөө-ыкчам иш-чаралар улантылууда.
Улуттук коопсуздук мамлекеттик комитети КР жарандарына эскертет, КР Кылмыш-жаза кодексинин 219-1-беренесине ылайык, «Оюн-зоок ишин мыйзамсыз уюштуруу» 3 жылдан 8 жылга чейин эркинен ажыратуу менен кылмыш жоопкерчилигине тартууга алып келет.
Эскертүү: Оюн жабдуулары, оюндагы коюмдарды жана утуштарды түзгөн баалуулуктар, оюндарга катышуунун натыйжасында алынган башка кирешелер белгиленген тартипте камакка алынат жана мамлекеттик кирешеге айландырылат.
Пикирлер (0)
Пикир жок. Сиз биринчилерден болушуңуз мүмкүн