УКМК: Ысык-Көлдөгү базарлардын ижара акысы 20 пайызга чейин арзандады

УКМК Ысык-Көл облусунун ири соода-базар комплекстеринин ээлери менен сүйлөшүп, соода жайларынын ижара акысын 20 пайызга чейин төмөндөтүү макулдашылды. Бул тууралуу атайын кызматтан кабарлашты.

Ижара акысы арзандай турган базарлар, соода жайлары:

- "Ак-Тилек плюс" соода жайы (Каракол шаарындагы азык-түлүк базары), А.Бараковго катталган;

- "Ак-Тилек" (Каракол шаарындагы кийим-кече, эт азыктары жана кургатылган жемиштерди саткан базар), Д.Исаевге катталган;

- "Бугу" жана "Макиш" (Каракол шаарындагы жашылча базары, алтын зер буюмдары жана кийим-кече базары); А.Рыскуловго катталган;

- "Ак-Тилек+5" (Каракол шаарындагы кийим-кече базары) Б.Өскөнбаевге катталган;

- "Ак-Тилек+2" СБКсы (Каракол шаарындагы азык-түлүк базары), Т.Сакеевге катталган.

Облустагы базар ээлери соода кылган жөнөкөй жарандарга шарт түзүп берип, базарлардын инфраструктурасын жакшыртып жатканы кошумчаланды.