УКМК: Ошто камактагыларды баңгизат менен камсыздаган УКТ мүчөлөрү кармалды

УКМК менен Ош шаардык ички иштер башкармалыгы уюшкан кылмыштуу топ көзөмөлдөгөн камактагыларды дары менен камсыздоо каналынын бетин ачты. Бул туурлауу УКМКнын басма сөз кызматы билдирди.

Маалыматка ылайык, бул кылмыш схемасы КР Юстиция министрлигинин Ош шаарындагы ЖАК №25 мекемесинде кармалгандар - Кыргыз Республикасынын жараны «А.Т.» жана Тажикстан Республикасынын жараны «Г.Г.» («Дженго» деген каймана ат менен белгилүү К. Досоновдун уюшкан кылмыштуу тобунун мүчөлөрү) тарабынан уюштурулгандыгы, атайын мекеменин жетекчилигинин макулдугу менен аракеттендиги аныкталды.

Азыркы схема боюнча, Тажикстан Республикасынын жараны «Г.Г.», Тажикстан Республикасынын Согди облусундагы өз каналдары аркылуу, абакта иши тергелип жаткан, камакка алынган жана соттолгон адамдарга наркотикалык каражаттарды өткөрүп берүү жана сатуу үчүн ай сайын жеткирүү каналдарын уюштурган. Наркотикалык каражаттардын сатуусунан түшкөн каражаттар 25-тергөө абагынын башчысы «Ж.У.» жана «положенц» деп аталган «А.Т.» жана башка баңги каналдардын катышуучуларына бөлүшүрүлгөн.

УКМК тарабынан жүргүзүлүп жаткан иштердин алкагында, №25 тергөө абагынан баңгизаттарды өткөрүү аракети учурунда, тамак-аш азыктарынын арасына катылган 1 кг салмактагы «ооган гашиши» табылып алынган.

Мындан сырткары, Ош шаардык ИИБнын кызматкерлери тарабынан 25-тергөө камак жайга баңгизатын алып өтүүгө аракет кылган И.М., С.А., К.А. жана К.А. аттуу жарандар кармалган. Кармалгандардын жашаган жерлерин тинтүү учурунда жалпы салмагы 1,3 кг болгон «ооган гашиши» табылган. КР УКМК жана Ош шаардык ИИБ менен биргеликте, камактагылардын камераларында тинтүү жүргүзүлүп, баңги заттары жана башка тыюу салынган буюмдар (уюлдук телефондор, заряддоочу түзүлүштөр, бычактар) табылып алынган.

Азыркы учурда, Кыргыз Республикасынын Юстиция министрлигинин Ош шаардык ЖАКнын №25 мекемесинин башчысы «Ж.У.» КР УКМК тергөө камак жайынын убактылуу кармоочу жайына киргизилди, жана уюшкан кылмыштуу баңги тобунун мүчөлөрү - И.М., С.А., К.А. жана К.А. Ош шаардык ИИБ убактылуу кармоочу жайына киргизилди. КР УКМК Ош шаардык ички иштер башкармалыгы менен тыгыз кызматташтыкта баңги затын мыйзамсыз жүгүртүүнүн аныкталган каналына тиешеси бар башка адамдарды аныктоо иштерин улантууда.