Улуттук коопсуздук мамлекеттик комитети Мамлекеттик бажы кызматынын мурдагы орун басары Р.Матраимовго карата сотко чейинки өндүрүштү улантууда.Анын алкагында бүгүнкү күнгө чейин бажы кызматынын башка кызматкерлеринин коррупциялык схемаларга тиешеси бар экендиги аныкталды. Бул тууралуу УКМКнын басма сөз кызматы маалымдады.
Ошол эле учурда, аталган мекемеде коррупцияга аралашкан айрым бажы кызматкерлеринин аракеттеринен мамлекетке келтирилген зыяндын ордун толтуруу боюнча иштер иштер улантылууда.
Тергөө мурунку жана учурдагы бажы кызматкерлеринин атайын тобу тарабынан тышкы экономикалык иш-аракеттердин катышуучуларына колдоо көрсөткөндүгү үчүн акчалай сый-акыларды тутумдуу түрдө алгандыгын тастыктаган далилдерди алуу процесси улантылууда.
Тергөөнүн жыйынтыгы боюнча УКМК кеңири маалымат берет.
Пикирлер (0)
Пикир жок. Сиз биринчилерден болушуңуз мүмкүн