Улуттук коопсуздук мамлекеттик комитетинин СИЗОсунда карантин жарыяланды. Бул тууралуу юрист Сергей Слесарев 24.kg агенттигине билдирген.
Анын айтымында, абакка келүүлөр жана жолугушуулар токтотулду. Тергөө изоляторуна бир дагы жактоочу жана камакта жаткандардын укук бузуулары боюнча мониторинг жүргүзгөн укук коргоочулар киргизилбей жатат.
“Азыр мурдагы президент Алмазбек Атамбаевдин ден соолугу кандай экени мага белгисиз”, - деп билдирди жактоочусу Сергей Слесарев. Ошондой эле ал СИЗОдо камалгандардын канчасы ооруп жатканын билбей турганын айтты. Анын бул маалыматы боюнча УКМК азырынча комментарий бере элек.
Белгилей кетсек, мурдараак тергөө изоляторунда 11 кызматкер ооруп жатканы маалымдалган.
Пикирлер (0)
Пикир жок. Сиз биринчилерден болушуңуз мүмкүн