УКМК Tik Tok'то мектептеги жардыруу тууралуу тараган маалымат боюнча түшүндүрмө берди

TikTok колдонуучусу Бишкек шаарындагы бир нече мектепте терракт болору тууралуу коркунуч туудурган видеолорду жарыялап жүргөн. Анын видеолорун кечээ, 23-ноябрда УКМКнын Бишкек боюнча башкармалыгынын кызматкерлери көрүшкөн.

УКМК билдиргендей, жогоруда аталган аккаунт 2009-жылы туулган Т.А.Ч.га тиешелүү. Ал — 12 жаштагы эркек бала, 6-класстын окуучусу, борбор калаадагы мектептердин биринде окуйт. Окуучу коркунуч жараткан видеолорду бейбаштык үчүн жарыялап жүргөн.

Аталган факт КЖБРга Жазык кодексинин 246-беренесинин (Терроризм актысы жөнүндө билип туруп жалган кабарлоо) 1-бөлүгү менен катталды.

Ошондой эле бул окуяга байланышы бар башка жарандар изделүүдө.