Башкы прокуратуранын сунушу менен Кызмат абалынан кыянаттык менен пайдалануу жана экономикалык аткезчиликке айыпталып УКМКнын коррупцияга каршы күрөшүү кызматынын мурдагы төрагасы Дүйшөнбек Чоткараев кармалды. Бул тууралуу УКМКнын басма сөз кызматы кабарлады.
Маалыматка ылайык, Биринчи май райондук соту 12-декабрда Чоткараевдин баш коргоо чарасын карап, тергөө бүткөнгө чейин УКМК тергөө абагында калтырган.
Буга чейин УКМК айрым жеткирүүчүлөр тарабынан 22 кгдан ашык салмактагы алтын зергер буюмдарын УКМК менен тымызын сүйлөшүп алып, мамлекетке 6 миллион сом өлчөмүндө зыян келтиргенге байланыштуу иш тергелип жаткандыгын билдирген.
Жүргүзүлгөн иликтөө иштеринин натыйжасында бул кылмышка УКМКнын коррупцияга каршы күрөшүү кызматынын төрагасынын мурунку биринчи орун басары-директорунун катыштыгы бар экендиги аныкталды.
Пикирлер (0)
Пикир жок. Сиз биринчилерден болушуңуз мүмкүн