Бүгүн, 25-августта УКМКнын басма сөз кызматы активист Олжобай Шакирдин кармалышы боюнча комментарий берди.
Атайын кызматтын билдирүүсүндө айтылгандай, интернетке мониторинг жүргүзүү учурунда Э.О. аттуу аккаунт табылган. УКМКнын маалыматына караганда, колдонуучу социалдык түйүндөрдөгү (Facebook, TikTok жана YouTube) баракчаларына маал-маалы менен чагымчыл мүнөздөгү билдирүүлөрдү жарыялап турган.
Ведомстводон белгилегендей, эксперттик корутунду анын постторунда массалык баш аламандыкка, бийликти күч менен басып алууга жана конституциялык түзүлүштү өзгөртүүгө чакырыктар камтылган.
Натыйжада Олжобай Шакир кармалып, ага КР Кылмыш-жаза кодексинин 278-беренесинин 3-бөлүгү («Бийлик өкүлдөрүнүн мыйзамдуу талаптарына активдүү баш ийбөөгө жана массалык баш аламандыкка чакыруу») боюнча кылмыш иши козголгон. Активист УКМКнын СИЗОсуна камалды.
Пикирлер (1)