УКМК коомчулукту жалган маалымат таратпоого чакырат

Кечээ, 4-февралда социалдык тармактар жана whatsapp аркылуу Улуттук коопсуздук мамлекеттик кызматы (УКМК) телефондук сүйлөшүүнү жана соцтармактагы билдирүүлөрдү жазып алат деген малымат тараган. Аталган маалыматты мекенин басма сөз кызматы четке какты.

«Баардык телефондук сүйлөшүүлөрдү жана соцтармактардагы билдирүүлөрдү УКМК жазып алып жатат деген чындыкка дал келбейт. Бул «фейк» маалымат катары бааланат. Аны тараткандарды аныктоо боюнча текшерүү иштери жүрүүдө», — дейт УКМК.

Коопсуздык кызматы, социалдык тармактарда алардын басма-сөз кызматынын атынан жалган маалымат таркатылып жатканын белгилейт. Жалган маалымат таратуу үчүн жоопко тартуу каралганын УКМК дагы бир ирет эскертти.