УКМК жыл башынан бери 130,5 млрд сомдук 1 174 объектини мамлекетке кайтарган

Улуттук коопсуздук мамлекеттик комитети жыл башынан бери жалпы баасы 130 млрд 510 млн сомдук 1174 объектини мамлекетке кайтарган. Бул тууралуу атайын кызматтын төрагасы Камчыбек Ташиев маалымат жыйынында билдирди.

Ташиевдин айтымында, анын ичинен учурда 8 млрд 963 млн сомго 44 объек сатылган.

"184 объект мамлекетке берилди. Булар пансионаттар, стадиондор, балдар лагерлери, мектептер, бала бакчалар, заводдор, соода аянтчалары жана жер тилкелери. Алардын жалпы баасы 47 млрд сомду түзөт. Бүгүнкү күндө калган 945 объект Мамлекеттик мүлк агенттиги тарабынан сатылууда", - деди ал.

Ташиев кайтарылган объектилердин баары агенттик тарабынан аукцион аркылуу сатыларын баса белгиледи.