Үч жылдын ичинде Бишкекти газдаштыруу толугу менен аяктайт. Бул тууралуу бүгүн брифингде «Газпром Кыргызстан» ЖЧКсынын башкы директорунун экономика жана каржы боюнча орун басары Арзымат Алдаяров билдирди.
Анын айтымында, 2023-жылы мэрия менен жол картасына кол коюлуп, анын алкагында борбор калааны газдаштыруу пландалууда.
Үстүбүздөгү жылдын аягына чейин төмөнкү калктуу конуштарды көгүлтүр отун менен камсыздоо пландаштырылууда:
"Ак-Тилек";
"Ак-Тилек-2";
"Ак-Тилек-Турбаза";
"Бакай-Ата";
"Ала-Арча";
"Жогорку Көк-Жар";
"Товар";
"Попеновка";
«Төкөлдөш».
Кошумчалай кетсек, ишкананын маалыматы боюнча, Новопавловка жана Селекция айылдарында да иштер жүрүп жатат.
Ак-Босого конушун газдаштыруу боюнча долбоорлоо-изилдөө иштери улантылууда.
Пикирлер (0)
Пикир жок. Сиз биринчилерден болушуңуз мүмкүн