Учак аркылуу дары себилип жатат деген калп маалымат боюнча тергөө башталды, - ИИМ

Учактар менен белгисиз дары-дармектерди себип, андан балдар ооруп жаткандыгын айткан билдирүү боюнча милиция тиешелүү ыкчам-иш-аракеттерди жүргүзүүдө. Бул тууралуу Ички иштер министрлигинин басма сөз кызматынан билдиришти.

“23-август күнү, WhatsApp мессенджеринде жана башка социалдык тармактарда түнкү маалда учактар менен белгисиз дары-дармектерди себип, андан балдар ооруй тургандыгы  жөнүндө чындыкка дал келбеген жалган маалыматтарды камтыган аудиожазуу тарап баштаган. Бул багытта ИИМ тиешелүү ыкчам-иш-аракеттерди жүргүзүүдө”, - деп айтылат маалыматта.

ИИМ жарандарды социалдык тармактар жана Интернет аркылуу кылмыш жасалгандыгы жөнүндө жалган маалыматтарды таратпоого чакырат. Кыргыз Республикасынын Мыйзамын билбегендик жарандарды кылмыш жоопкерчилигинен бошотпой турганы кабарланат.