Учкун кичи районунда жылуулук берүү убактылуу токтотулду

Бишкектин Учкун кичи районуна жылуулук берүү убактылуу токтотулду.

Муниципалитеттен билдиришкендей, жылуулук туташууда бузулуулар аныкталгандыктан өчүрүлдү. Учурда жеринде бригада иштеп, бузулган жерди аныктоо иштери жүрүп жатат.

Төмөнкү даректерде убактылуу жылуулук өчүрүлгөн:
- Учкун кичи району, № 11, 14, 15, 16, 18, 19, 20, 21, 22, 23, 24 үйлөр (А жана Б блоктору);
- Уч-Тулга көчөсүндөгү 15 участо; Казан Булак, 10.

Жылуулук берүүнү 25-октябрда болжол менен саат 16:00гө чейин калыбына келтирүү пландаштырылууда.

Белгилей кетсек, жогорудагы үйлөргө ысык суу берилет.

Бишкек мэриясы убактылуу ыңгайсыздыктар үчүн кечирим сурайт жана шаардыктар бул жагдайды түшүнүү менен кабыл алат деген үмүттө.