Үчөө адам өлтүрүүгө шектүү. Рита Карасартова СИЗО тууралуу баяндап берди

Бишкек шаарындагы тергөө абагында отурган активист Рита Карасартова абакта кимдер менен чогуу отурганын социалдык тармактагы баракчасы аркылуу баяндап берди.

Ал тергөө иштери кечиктирилгип, жүрбөй жатканына нааразы.

"СИЗО 5х6= 30 кв. метр болгон бөлмө, он адамга ылайыкташылган (биздин камерада тогуз айым отурабыз) , ошол эле бөлмөдө уктай турган эки кабаттуу керебеттер, тамак даярдоочу электрплита, холодильник, идиш аяк жууганга раковина жана туалет, баары ошол 30 квадрат метр бөлмөдө. 

Тогуз айым: үчөө адам өлтүрүүгө шектүү, экөө баңгизат жайылтууга, үчөө алдамчылыкка жана мен бийликти басып алууга даярдык көргөнүм үчүн шектелип отурабыз.

Тогуз айым, 30 кв.метр, 24/7 күткөнүбүз тергөө менен сот отуруму",- деп жазган Карасартова.