Учурда 493 жасалма дем алдыруучу аппарат иштеп жатат, - Министрлик

Өлкө боюнча 493 өпкөнү жасалма дем алдыруучу аппарат иштеп жатат. Бул тууралуу саламаттыкты сактоо министринин орун басары Мадамин Каратаев брифингде билдирди.

“Кошумча 20 ИВЛ аппараты алынып, учурда 493 өпкөнү жасалма дем алдыруучу аппарат толук иштеп жатат. Андан сырткары, кошумча 109 кислороддук концентратор алынып, жалпы 610 кислороддук концентратор бар. Ошентсе дагы, кырдаалга байланыштуу 220 ИВЛ аппарат жана 2003 кислородук концентраторго муктажбыз. Бул маселе боюнча жакын арада Россия жана Кытайдан аппараттады күтүп жатабыз”, - деди Каратаев.