Украинада тик учак кулады: Ички иштер министри, анын орун басары жана мамлекеттик катчы каза болду

Украинанын Ички иштер министри жана анын орун басары Киев облусунун Бровар шаарында авиакырсыктан каза болду. Бул тууралуу BBC орус кызматы билдирди.

Маалыматка ылайык, Өзгөчө кырдаалдар министрлигине таандык болгон тик учакта  9 адам болгон.  Тик учак бүгүн эртең менен бала бакча жана турак жайлардын үстүнө кулап түшкөн.

Учурда кырсыктан 18 адам каза болгону аныкталды. 

Тик учактын кулашынын кесепетинен Ички иштер министрлигинин башчысы Денис Монастырский, министрдин биринчи орун басары Евгений Йенин, Ички иштер министрлигинин статс-катчысы Юрий Лубкович, мамлекеттик катчы жана экипаж кызматкерлери каза болгон.