Улукбек Кочкоров Эмгек жана социалдык өнүктүрүү министри кызматынан бошотулду

Кочкоров Улукбек Тойчубаевич  Эмгек жана социалдык өнүктүрүү министри кызматынан бошотулду. Бул тууралуу президенттин басма сөз кызматы билдирди. 

Тиешелүү жарлыкка президенттин милдетин аткаруучу Садыр Жапаров кол койду. 

"Конституциянын 87-беренесинин 1-бөлүгүнө жана Кыргыз Республикасынын «Кыргыз Республикасынын Өкмөтү тууралуу» Конституциялык мыйзамынын 24- беренесинин 4-1-бөлүгүнө ылайык, Кочкоров Улукбек Тойчубаевичтин өзү жазган арызынын негизинде кызматынан кетүү жөнүндө өтүнүчү кабыл алынды жана ал Кыргыз Республикасынын Эмгек жана социалдык өнүктүрүү министри кызматынан бошотулду", - деп айтылат маалыматта.