Улукбек Марипов мындан ары Бахрейн жана Египеттеги элчилик кызматты аркалайт

Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Сауд Аравия Королдугундагы Атайын жана Ыйгарым укуктуу Элчиси Марипов Улукбек Асамидинович Эр-Рияд шаарындагы резиденциясы менен ишти айкалыштыруу боюнча Кыргыз Республикасынын Бахрейн Королдугундагы жана Египет Араб Республикасындагы Атайын жана Ыйгарым укуктуу Элчиси болуп дайындалды. Бул тууралуу президенттин администрациясынын маалыматтык саясат бөлүмү билдирди.