Улукбек Өмүрзаков үй камагына чыгуу үчүн мамлекетке 20 млн төлөгөн

31-январда Ош облустук прокуратурасынын кызматкери Улукбек Өмүрзаков үй камагына чыккан белгилүү болгон. 

Ал 2020-жылдын ноябрь айында көмүр кенин басып алууга шектелип УКМКнын СИЗОсуна киргизилген.

Жактоочусу Икрамидин Айткуловдун айтымында, Өмүрзаковдун иштери тергелип бүтө элек. 

УКМКнын  маалыматына таянсак, прокуратура кызматкери тергөө менен кызматташууга макул болуп мамлекетке зыян келтиргени үчүн 20 миллион сом төлөгөн жана башка өлкөгө чыкпоо келишимине кол койгон.

Мындан сырткары, Өмүрзаков өз каалоосу менен облустук прокуратурадан кетүү боюнча арыз жазган.