Улуттук банк I чейректин жыйынтыгы боюнча акча которуулардын кыскарганын билдирди

2022-жылдын биринчи чейрегинде эл аралык акча которуу системалары аркылуу келип түшкөн которуулардын жалпы саны 2 миллион 579,7 миң транзакцияны түзүп, жалпы суммасы 45,9 миллиард сомду түзгөн. Бул тууралуу Улуттук банктын маалыматында айтылат.

Өткөн жылдын ушул мезгилине салыштырмалуу көрсөткүчтөр 2,8% жана 5,6% азайган.

Кыргызстандан которуулардын саны 205,5 миң транзакцияны түзүп, жалпы суммасы 13,3 млрд сомду түзгөн. Өткөн жылдын ушул мезгилине салыштырмалуу көрсөткүчтөр 6,4% жана 4,8%га азайган.

Кыргызстандын аймактарында которулган жана өлкөдөн которулган трансферттеринин көлөмү боюнча эң чоң үлүш Бишкек шаарына туура келген: өлкөгө которуулардын жалпы көлөмүнүн 42,6% жана өлкөдөн которуулардын трансферттеринин жалпы көлөмүнүн 65,9%ы.